Воспаление на непцата
Знаците на воспаление не треба да се игнорираат, во спротивно тие ќе прогредираат во подлабоките ткива и може да предизвикаат сериозни здравствени компликации. Правилната орална хигиена и редовните посети на стоматолог се од клучно значење. Зошто непцата крварат? Како да се одржува оралната хигиена кога четкањето е отежнато? Како одредени системски заболувања влијаат врз состојбата на усната празнина и обратно? Проверете ги следниве совети за тоа како правилно да се грижите за оралното здравје.
Збогум бактерии, здраво здрави заби
Патот до здрави заби и непца е во правилната орална хигиена која започнува со квалитетно отстранување на меките забни наслаги и бактериите во нив. Тие се главни причинители на забловања на непцата особено во интерденталниот простор. Доколку сакате темелно а истовремено и нежно да го отстраните денталниот плак и да го спречите заболувањето на непцата, користете мека четка за заби со повеќе илјади тенки влакна. Средно тврдите и тврдите четки за заби не се препорачуваат бидејќи не се доволно ефикасни околу работ на непцето и притоа може да го повредат.
